Dios, que ye enfalatible, y le'sos víes son la misericordia y la verdá, y la so sapiencia algama d'un cabu al utru con fortaleza, y tóo lo dispon seliquina, de magar avistó dende tóa la eternidá la ruina llastimosa del xéneru humanu per morde del pecáu d'Adan, y de magar cuidó fer nel misteriu celáu á lo'siglos con utru misteriu entovía mas celáu per entemedies de la Encarnacion del Verbu la obra cimera de so bondá, pa que non perecies en contra de so voluntá misericordiosa'l home q'había sio afaláu á la culpa pe la falsía de la maldá del diablu, y pa que fues refecho nel segundo Adan lo q'el primero había desfacer, escoyó y aperió dende'l principiu y aina de lo'siglos pal so Fíu Unicu una Madre, de la que fechu carne nacies nel cabu dichosu de los tiempos, y quixo tanto á isa Madre so tóes les creatures, que n'illa sola tuvies el fuelgu mas completu. Per iso l'abastó á maravía de tantes gracies celestiales sacáes del tesoru de la divinidá so tóos losAnxeles y so tóos lo'Santos, q'illa llimpia siempre y perdafecho de toa llercia de pecáu, y tóa hermosa y correcha ufries tanra inocencia y santidá, que dempues deDios non puede figurase mayor, y que fora de Dios naide puede abarcar nin co'les mientes. Y miániques yeramuy xusto resplandies siempre güarnía col arrellu d'una santidá perentera, y que llibre fasta de la culpa orixinal, vencies percompleto á l'aneya serpiente una Madre tan santa, á la q[ue] Dios Padre quixo dar el so FíuUnicu, á quien enxendráu del so corazón igual á si,ama como a se mesmu; y quixo dáilu de tal manera,q'unu y el mesmu fues al empar Fiu natural de Dios Padre y de la Virxen, y á la que'l mesmu Fiu escoyó pa fela Madre suya per nacencia, y de la que'l Espritu Santuquixo, y féxolo ansina, que fues concebíu y nacies aquelde quien sal él mesmu.Aquista inocencia orixinal de l'augusta Virxen, perenfiláa co'la so maraviosa santidá y cola grande dinidá de Madre de Dios, la Iglesia católica, que allecionáasiempre pel Espritu Santu, ye la coluna y el fundamentu de la verdá, como estoya de la dotrina recibía de Diosy enfiláa nel depósitu de la revelacion celestial, nuncadexó de proponela, esplicala y esponela mas y mas ca'dia con munches razones y fechos resplandorientos.Pos ista dotrina que fo siempre dende lo mas antaño perendilgáa nel ánimu de los fieles y estendía dayure nelmundu católicu pe la xera y sollercia de lo'sagráos Perláos, pónxola bien á les clares la mesma Iglesia, cuandonon atarreció proponer al cultu y acatamientu públicude los fieles la Concecion de la mesma Virxen. Con isticasu abondo claru ufrió la Concecion de la mesma Virxen pa que se i dies cultu como sola, millagrosa, perestremáa del principiu de los utros homes y santa perentero, pos la Iglesia non fai fiestes mas q'á lo'Santos. Yper iso fasta les mesmes palabres con que les divinesEscritures falen de la Sapiencia increáa, y co'les que representen el so orixen pereternu, avezó á usales nosoficios eclesiásticos y na sagráa Lliturxa; y á'plicales á laformacion d'aquilla Virxen, que fó acordáa n'un y mesmu decretu que la Encarnacion de la divina Sapiencia.Mas anque toes istes coses, arrecibíes cuasi dayure pelos fieles, manifiesten el cuidáu con que la mesma Yglesia romana, madre y maestra de tóes les Yglesies, miróisa dotrina de la Concecion Imaculáa de la Virxen, alendefetu los illustres fechos d'ista Yglesia merecenabondo que se faga pasiquin acordanza d'illos, ya quela dinidá y autoridá d'ista Yglesia ye tanta, cuanta se idebe de xusticia á la que ye'l fundamentu de la verdá yde la unidá católica, na que sola se mantevo sana la rellixon, y de la que deben arrécibir les utres Yglesies latradicion de la fé. Y ansina ye que la Yglesia romana dala cosa tomó con tantu empeñu como l'afirmar, defiender, estender, y vindicar de tóes les maneres y colmeyor dícere la Concecion Imaculáa de la Virxen, y elso cultu y la so dotrina, como lo dicen y atesten bien áles clares y manifiestes tantos fechos insines de los Romanos Pontífices nuestros antepasáos, á los que na persona del Príncipe de los Apóstoles fo encomendáu departe de Dios pel mesmu Xesucristu Señor nuestru elcuidau y el mandu cimeru de pastiar los corderos ya lesoveyes, y de confirmar á los hermanos, y'de rexir y gubernar tóa la Yglesia.Y miániques que fo de munchu fuelgu pa los nuestros antepasáos establecer co la so autoridá apostólicana Yglesia romana la fiesta de la Concecion, y aumentala y honrala con oficiu y misa propia, nos que s'afirmaba á les clares el privillexu de la llimpieza de la mancha orixinal, y estender de tóes les maneres el cultuya'stablecíu y ensanchalu tovía mas concediendo induluxencies, ó dando permisu á les ciudáes, provincies yreinos pa que'scoyesen per patrona suya á la Madre deDios sol nome de la Concecion Imaculáa, ó aprobandocofradís, congregaciones y comunidáes rellixoses fundáes n'honor de la Imaculáa Concecion, ó lloando lapiedá de los que sol nome de la Concecion Imaculáa fexeron monasterios, hospitales, altares y templos, y xuraron defiender con tóes sos fuerces la Imaculáa Concecion de la Madre de Dios. Arriéndes d'isto fóyos tamien de grande folgancia ordenar que la fiesta de laConcecion debía ser recibía per tóa la Yglesia nel mesmu sentíu y calter que la fiesta de la Navidá, y q'istafiesta de la Concecion debía fese con otava pe la Yglesia entera, y güardase per tóos como les utres fiestes demandatu, y que se celebras cuotánes Capilla Papal nanuestra Basílica patrialcal LLiberiana nel dia consagráuá la Concecion de la Virxen. Y deseando endilgar masy mas ca'dia animu de los fieles asta dotrina de laConcecion Imaculáa de la Madre de Dios, y socatrar lapiedá de los mesmos fieles á honrar y venerar á la mesma Virxen concebía en sin mancha orixinal, fuelgáronse perdafecho en dar permisu pa que na lletaníallauretana y nel prefaciu mesmu de la Misa s'apellidasla Concecion Imaculáa de la mesma Virxen, y se'stablecies ansina la lley de la fé co la lley mesma de la oaracion. Pe'lo q'á Nos toca, y siguiendo les güelles detan illustres antepasáos nuestros, non solo aprobamos yrecibiémos cuanto illos fexeron ó decretaron con tanta Ppiedá como sapiencia, sinon q'ademas, trayendo á lesmientes la istitucion de Sixtu IV, mandamos co la nuestra autoridá aviar un oficiu propiu de la Imaculáa Concecion, y col mayor fuelgu de nuestr'alma concediémosel so usu á toa la Yglesia.Mas como les coses que toquen al cultu están perensertáes col so oxetu, y non pueden durar fites y segures, si aquisti'stá en duda y bamboléa, per iso losnuestros antepasáos los romanos Pontífices, al estendercol mayor cuidáu isi cultu de la Concecion, percuraroncon tóes sos fuerces declarar y recalcar el so oxetu yla so dotrina; pos ensiñaron á les clares que la fiestaque se fía, yera de la Concecion de la Virxen, y condenaron como falsu y perayenu de les mientes de laYglesia el parecer d'aquillos, que sostuviesen y asegurasen que la Yglesia non ufría cultu á la Concecionmesma, sinon á la Santificacion de la Virxen, y nintampoco creyeron que debín ser menos severos co'losque, pa baltar 1a dotrina de la Imaculáa Concecionde la Virxen, pescudaron una distincion ente'l primeru y el segundu istante y momentu de la Concecion, y aldiricaben que si bien se celebraba la Concecion, nonyera nel istante y momentu primeru, porque los mesmos antepasáos nuestros xuzgaron del so deber sostener y defiender co'la mayor sollercia como oxetu verdaderu del cultu la fiesta de la Concecion de la Bienaventuráa Virxen de la Concecion nel primer istante.D'inde aquilles palabres tan clares co'les que'l nuestruantepasáu Allexandru VII reveló el sentir verdaéru de laYglesia, diciendo: «De verdá que ya ye de muy antaño lapiedá de los fieles de Cristu pa con so Ma la Bienaventuráa Virxen María, isa piedá de los que cren que l'alma d'ista Señora nel primer istante de so creacion y deso enfilamientu nel cuerpu fo preserváa de la llerciadel pecáu orixinal per una gracia'special y privillexu deDios en virtú de los merecimientos de Xesucristu el soFiu, Redentor del xéneru humanu y en isti entenderfáen con ritu solene la fiesta de la so Concecion».Ansinamesmo percuraron tamien los nuestros antepasáos defiender co'la mayor xera y empeñu la dotrinatóa entera de la Imaculáa Concecion de la Madre deDios; pos non solo non sofrieron que naide censuras ódesprecias de denguna manera ista dotrina, sinon q'ademas, diendo entovia mas lloñe, dixeron á les clares ymunches veces ne sos declaraciones que la dotrina co'la que profesamos la Imaculáa Concecion de la Virxen,yera y debía ser miráa como perconforme col cultu eclesiásticu, que yera aneya y cuasi dayure, y tala, que laYglesia romana tomo á so cargu estendela y defendela,y que merecia abondo ensertase na sagráa Lliturxa y nes preces solenes. Y non contentos con isto, y pa quese mantuvies sana ista dotrina de la Imaculáa Concecion de la Virxen, prohibieron co'les mayores penesdefiender tanto en público como sele la opinion contraria á isa dotrina, y fasta quixeron dexar muy mal fería tala opinion. Y pa que non se creyesen vanes aquistes declaraciones tan repetíes y manifiestes, ensertaronuna sancion, tóo lo que enristró el nuestru antepasáu yadichu Allexandru VII n'istes palabres.»Nos considerando que la Santa Yglesia romana fáifiesta solene á la Concecion de la Imaculáa siempre Virxen María y q'avió ya bienayá n'honor suyu un oficiupropiu y especial conforme á la piadosa, devota y lloable istitucion acordáa entos pel nuestru antepasáu Sixtu IV; y queriendo á exemplu de los Romanos Pontifices nuestros antepasáos favorecer y apoyar isa lloable piedá y devocion, aquisa fiesta y cultu, ufríu segun illay nunca mudáu de magar encomenzó na Yglesia romana; y queriendo ansinamesmo sostener isa piedá y devocion d'honrar y celebrar á la Bienaventuráa Virxencomo preserváa del pecáu orixinal pe la gracia preveniente del Espritu Santu, y deseando conservar nel rebañu de Cristu la unidá de'spritu nel vínculu de la paz,apacigüáes les quexes y contiendes, y averiáos los estorbos, á istancia y ruegos, que se Nos ufrieron, de los dichos Obispos co'los Cabildos de le'sos Yglesies, y delrey Filipu y de lo'sos reinos, renovamos les costitucionesy decretos dáos pe los nuestros antepasáos los romanosPontífices, y en particular per Sixtu IV, Paulu V y Gregoriu XV n'apoyu de la dotrina que sostien que l'almade la Bienaventuráa Virxen na so creación y enfilamiento nel cuerpo fo güarnía cola gracia del EsprituSantu, y preserváa del pecáu orixinal, ansi como tamienn'apoyu de la fiesta y cultu de la Concecion de la mesma Virxen Maria Madre de Dios, ufríu, segun diximos,conforme á isa piadosa sentencia; renovamos, tornamosá dicer, les diches costituciones y decretos, y mandamosque se cumplan so les penes y censures que se diz n'ises constituciones.Y al endefetu queremos que tóos aquillos y cad'und'illos que pretendan esplicar de tal manera les dichescostituciones y decretos, que yos quiten'l apoyo que perilles se presta á la dicha dotrina y fiesta o cultu que segun illa se dá, ó que ponan en contienda ista mesma dotrina, fiesta, ó cultu, ó que contra tóo isto de dalgunamanera, sía la que sía, ó con dalgun pretestu, anque síael de pescudar la só definibilidá, ó de glosar ó'splicar laSanta Escritura, ó los S.S. Padres ó Dotores y al cabu,con cualquier utru pretestu ó motivu, per escrito ó defala s'atravieren á aldiricar, pedricar, afalucar, disputar,determinando ó afirmando daqué en contra d'iso, óponiendo argumentos y dexándolos en sin respuesta, óaldiricando de cualquier utra manera que pueda imaxinase; queremos, tornamos á dicer, que tóos isos á masde les penes y censures ensertáes nes costituciones deSixtu IV, á les cuales ye voluntá nuestra sofitalos, y pe lespresentes lo' sofitamos, queden tarnien priváos nel intre y en sin mas esplicativa de la facultá de predicar,d'allecionar en público ó d'ensiñar, y d'entepretar, yde voz ativa y pasiva nos nombramientos de cualquierxéneru, y arriendes incurran nes penes de nulidáperpeta pa pedricar, pa'llecionar en público ó ensiñar,y pa entepretar, de les cuales penes solo per Nos ó pelos nuestros veniéros los romanos Pontífices puedan serdesarreyáos o dispensaos; y ansinamesmo queremos q'isos tales queden sofitos á les demas penes que yos forenpuestes per Nos o pe los nuestros veniéros los romanosPontífices, como pe les presentes los sofitamos, renovando los ya dichos decretos y costituciones de Paulu Vy de Gregoriu XV.Y so les penes y censures ensertáes nel Indice de losllibros prohibíos, prohibimos los llibros nos que se pona en duda dicha dotrina, fiesta ó cultu conforme á illa,ó nos que'n contra d' illa, segun arriba diximos, se'scriba ó ensiñe daqué, ó nos que s'enfilen espresiones, sermones, tratáos y disputes so ises coses; prohibimos, tornamos á dicer, aquisos llibros publicáos dende'l decretu ya dichu de Paulu V, ó que se publicaren n'adelante,y queremos y mandamos que se tenan per prohibíos áles clares nel intre en sin necesidá de mas esplicatives».Agora bien: naide hay que non sepia con que celu foensiñáa, sostenía y defendía ista dotrina de la ImaculáaConcecion de la Virxen Madre de Dios pe les mas illustres comunidáes rellixoses, pe les academies de teoloxíamas renombráes, y pe los dotores mas allecionáos nescoses divines. Naide hay tampoco que non sepia lo muysollertes que foron lo'sagráos Preláos fasta nos mesmosconceyos eclesiásticos en profesar á les clares y en público que la Bienaventuráa Virxen María Madre de Diospe los méritos previstos de Cristu nuestru Redentor enxamas fo sofita al pecáu orixinal, sinon que fo preserváa,dafecho de la llercia d'orixen, y que pe lo mesmo fo redimía d'una manera perescelente. Ensértase con istoutra razon de muncho mas pesu, la meyor de tóes; y yeque fasta'l mesmu Conceyu de Trentu, al dar el decretudomáticu del pecáu orixinal, nel que con arreglu á la Sagráa Escritura, á lo' S.S. Padres y á los Conceyos más renombráos, decretó y dixo que tóos los homes nacen enlluxáos co'la culpa orixinal, á pesar d'iso declaró en solene que non yera el so ánimu enfilar n'isi decretu y entan ancha definicion á la Imaculáa y Bienaventuráa Virxen María Madre de Dios; pos con ista declaranza los Padres de Trentu apuntaron abondo, atendíos los tiempos, que la Bienaventuráa Virxen había sío preserváa dela mancha orixinal, y pe lo mesmo dieron bien á entender que nin de le'sagráes Lletres, nin de la tradicion, nin de l'autoridá de lo'S.S. Padres se podía sacar con fundamentu cosa dalguna, que fues contraria d'una manera ó d'utra á isti privillexu tan grande de la Virxen.Y de verdá, q ista dotrina de la Imaculáa Concecionde la Bienaventuráa Virxen ca'dia mas esplicáa, declaráa y confirmáa pel muy grave sentir, ensiñanza, estudiu, ciencia y saber de la Yglesia, y estendía dayure,d'una manera maraviosa en tóos los pueblos y nacionesdel mundu católicu, fo siempre na mesma Yglesia comoarrecibía de los nuestros antepasáos, y estremáa co la insiña de dotrina reveláa, dicenlo abondo bien los illustres monumentos de la venerable antigüedá tanto de laYglesia del Oriente como de la del Ocidente; pos laYglesia de Cristu, güardia sollerte y defensa de les verdáes depositáes cabu sí, enxamas muda n'illes cosa denguna, nin yos quita, nin yos añade, sinon que tratandocol mayor cuidau, fidelidá y sapiencia les aneyes, si foron dalgunes figuráes ya d'antaño, y si les esmelgó la fede los Padres, percura pulgales y puliles de tal manera,q'aquilles verdáes aneyes de la dotrina celestial recibanevidencia, lluz y distincion, pero manteniendo al emparla so plenitú, la so integridá y la so propiedá, y solo medrando pel so xéneru, quier dicer, na mesma verdá nelmesmu sitiu y na mesma sentencia.Y n'efetu, los Padres y escritores eclesiásticos, ensiñáos pe les lleciones celestiales, dala cosa tomaron conmas xera nos llibros q'aviaron pa'splicar les Escritures;defiender les verdáes y allecionar á los fieles, q'el pedricar y aclamar á la tema y de munches y maraviósesmaneres la santidá y dinidá pergrande de la Virxen, laso integridá de tóa llercia de pecáu, y la so vitoria rellumante del enemigu mas espantible del xéneru humanu. Per iso al rellatar les palabres coles que Dios,prenunciando dende'l cabu mesmu del mundu los remedios que na so bondá aperiaba pa la reparacion delos mortales, contundió el refalfu de la serpiente enfalladora, y sollivió á maravía les esperances del xéneruhumanu, diciendo: «Porné enemistáes ente tí y la muéyer, ente la to castra y la suya», ensiñaron que n'isti oráculu divinu se prenunciaba á les clares y manifiestes elRedentor misericordiosu del llinaxe humanu, á saber, elFíu Unicu de Dios Cristu Xesus, y se siñalaba á so Má laBienaventuráa Virxen María, y que se manifestaben alempar d'una manera insine les enemistáes de'l un y del'utra contra'l diablu. Pe lo mesmo ansí como Cristu,medianeru ente Dios y los homes, tomando la naturaleza humana y borrando el quirógrafu del decretu queyera en contra de nosotros, lu fitó triunfante na cruz,ansí la Bienaventuráa Virxen, xunía á Illi con un vínculu perestrechu y endesarrayable, y fiendo al impard'Ili y per ni les enemistáes pereternes contra la serpiente venenosa, y triunfando d'illa perdafecho, triócol so pié imaculáu la cabeza dista.Aquisti triunfu rellumante y singular de la Virxen yso perescelente inocencia, pureza, santidá y limpiezade toa mancha de pecáu, como tamien la infalatibleabundancia y grandeza de tóes les celestiales gracies,virtúes y privillexos, columbráronlos figuráos los mesmos Padres ya n'aquill'arca de Noé, que fecha d'ordende Dios, salió sana y salva perentero del comun naufraxu de tóu'l mundu, ya n'aquilla'scala que vió Xacó algamaba dende la tierra fasta'l cielo, y subín y amiyabenlos anxelinos de Dios pe lo'sos pasos, y el mesmu Diosestaba no mas cimero d'illa: ya n'aquilla roza que vioMoises arder nel llugar santu, y que metanes les llamesque cruxín, nin s'amburaba, nin siquiera perdia unescarrapiú, sinon que staba gaya, verde y floriadica; yan'aquilla torre invencible pal enemigu, de la que cuelguen mil escudos y tóu'l armamentu de los fortes, yan'aquel güertu ciarráu que per dengun enfallu nin falsía se puede violar nin corromper, ya n'aquilla resplandorienta ciudá de Dios que tien lo'sos cimientos nosmontes santos; ya n'aquel templu pergrande de Diosque rellumando co'los rescamplíos divinos está llenude la gloria del Señor, y ya n'utres muches coses delmesmu xéneru, nes q'ensiñaron los Padres se figurabala'scelsa dinidá de la Madre de Dios, la so inocencia ensin mancha y la so santidá nunca enlluxáa con dalgunafalta nin pecáu.Pa describir ista como suma de les divines gracies yla orixinal integridá de la Virxen de la que nació Xesus, los mesmos Padres, valiendose de les palabres delos profetas, celebraron á la mesma'scelsa Virxen apellidándola Palombina blanca, santa Xerusalen, tronu'scelsu de Dios, arca de santificacion, casa que fexopa sí la Sapiencia eterna, y aquilla Reina que bazcuyando delicies y apoyáa nel so Amáu salió de la bocadel muy Altu tóa correcha, tóa gayaspera, tóa galana paDios y nunca enllamuergáa nin con un llixu de pecáu.Y discurriendo los mesmos Padres y escritores eclesiásticos que la Binaventuráa Virxen, al anunciai'l anxel Grabiel la pergrande dinidá de Madre de Dios, foapellidáa llena de gracia nel nome y pel mandatu delmesmu Dios, ensiñaron que con ista singular y solenesalutacion nunca enxamas oyía, queria dicese que laMare de Dios fo'l asientu de tóes les divines gracies.abastáa de tóos los dones del Espritu divinu, y fasta untesoru cuasi'nfinitu y un abismu en sin suelu de los mesmesmos dones, de manera que nunca fo sofita á la maldicion, sinon que parcipante de la bendicion eterna lomesmo que'l so Fíu, merecio oyer de la boca de Sabelallecionáa pel Espritu Santu: «Biénaya sías tu ente lesmuyeres; y biénaya sía'l frutu del to vientre».D'inde aquisi sentir tan claru como acorde de losmesmos de que la Bienaventuraa Virxen, en quien fexocoses grandes el que ye Poderosu, resplandió con tantu arellu de dones celestiales, con tanta abundancia degracies y con una inocencia tala, que fo com'un prodixu enfalatible de Dios, ó meyor tovía, como'1 cimerude tóos los prodixos, y dina Madre de Dios, y q'allugáaal mesmu Dios lo mas cerquillina que puede'stalo unahumana creatura, quedó encumbriáa só la llóa de loshomes y de los ánxeles. Y per iso pa vindicar la inocencia y xusticia orixinal de la Madre de Dios, non solo lacompararon munches veces con Eva, cuando tovía yeravirxen, inocente y correcha, y non habia sío socatráape los enfallos mortales de la serpiente falsera, sinonque fasta la irguieron so illa con munches y maraviósespalabres y sentencies: porq'Eva, ascuchando per desgracia á la serpiente, perdió la inocencia orixinal y quedó fecha so'sclava, pero la Bienaventuráa Virxen, medrando siempre nel don orixinal, sin ascuchar nunca ála serpiente, peracabó co'la so fuerza y poderíu pe lavirtú q arrecibió del muy Altu.Per isto enxamas apararon d'apellidar á la Madre deDios ya lliriu metanes les espines, ya tierra pura y virxenperentero, en sin llixu nin llamuerga, siempre benditay llimpia de tóa mancha de pecáu, de la que fo fechu elnuevu Adan; ya paraísu correchu, resplandorientu y peramenu d'inocencia, d'imortalidá y de folgancia; fechupel mesmu Dios y defendiu de tóes les falsíes de la serpiente venenosa, ya lleñu sanu q'enxamas afuracó elgusanu del pecáu; ya fonte siempre fresquillina y selláaco'la virtú del Espritu Santu; ya templu perdivinu, ya tesoru d'imortalidá, ya fía única y sola non de muerte sinon de vida; güañu non d'ira sinon de gracia, que siempre llozanu, anque retoñu d'una raíz podría, florió perprovidencia singular de Dios fora de les leyes establecíes y comunes. Y como si tóes istes coses, anque tan glorioses, non fuesen abondes, dixeron en términos clarosy espresos que, cuando se fala de pecáu, non debe haber cuestion dalguna de la Bienaventuráa Virxen María,á quien fo dáa abonda gracia pa vencer el pecáu perentero; y confesaron que la Bienaventuráa Virxen fo laque refexo á los nuestros padres, la qué dió vida á lo'sos fíos, la 'scoyía dende la eternidá, aperiáa pa si pelmuy Altu, anunciáa per Dios cuando dixo á la serpiente: «Porné enemistáes ente ti y la muyer»; la que trió deseguro la cabeza venenosa de la mesma serpiente, y periso dixeron que la mesma Bienaventuráa Virxen fo preserváa per gracia de tóa mancha de pecáu y de tóu contaxu nel cuerpu, nel alma y nel entendimientu, y quesiempre stuvo xunía á Dios con llazáa pereterna, yq'enxamas fo en tinieblas, sinon siempre en lluz, y quepe lo menos fo una habitancia bien aviáa pa Cristu, nonpe la fechura del so cuerpu, sinon pe la gracia orixinal.Endílgase con isto lo noble de le'sentencies on q'alfalar de la Concecion de la Virxen, atestaron que la naturaleza cedió á la gracia, y que delante d'illa quedóablucáa, tremente, y en sin atrevese á'sfilar pel so camin; porq'había'caecer que la Virxen Madre de Diosnon fue concebía d'Ana aina que la gracia dies el frutu,pos yera conveniente que fues concebía primoxénitaAquella de la q'había ser concebiu el Primoxénitu detóes les creatures. Atestaron que la carne de la Virxenanque tomáa d'Adan, non arrecibió les llacéries d'Adan; y que pe lo mesmo la Bienaventuráa Virxen yeraun tabernáculu fechu pel mesmu Dios, formáu pel Espritu Santu y d'una obra en verdá de púrpura, q'aquelnuevu Beseleel fexo ensartáa y güarnía d'oru y q'Illayera y con razon s'aclamaba la primera obra propia deDios, que fo amparáa de los abrasáos dardos del enemigu malignu y de naturaleza galana y llimpia perentero de tóa mancha y q'en so Concecion Imaculáa vieno al mundu relluciente per tóes partes como l'alba.Porque non convenía q'isti vasu escoyíu quedas malparáu co'los perxuicios comunes, pos estremandose muncho de los utros, tevo de comun con illos la naturaleza, non la culpa; y fasta yera perconveniente q'ansinacomo Unixénitu tevo nos cielos un Padre á quien lo'Serafines aclamen santu tres veces, ansina tuvies na tierra una Madre á la que nunca i hubies faltáo'l arellu dela santidá. Y estaba tan endilgáa ista dotrina nes mientes y ánimos de los nuestros antepasdos, que fo comunent'illos la fala singular y maraviosa co'la q'á menudoapellidaron á la Madre de Dios imaculáa y perimaculáa,inocente y perinocente, en sin mancha y en sin dalamancha, santa y llimpia sin un llixu de pecau, tóa pura,tóa sana, y cuasi la forma mesma de la pureza y de lainocencia, mas hermosa que la hermosura, mas güapaque la güapura, mas santa que la santidá, y la sola santa y pura nel alma y nel cuerpu, que s'irguió so tóa integridá y virxinidá, y la única que fo fecha tóa entera habitancia de tóes les gracies del Espritu Santu, y que, fora de Dios solu, fo meyor que tóos, y mas galana, gayaspera y santa per natura que los mesmos querubinesy serafines, y que tóu'1 exércitu de los ánxeles, y que nobasten pa lloala tóes les llingües de la tierra nin del cielu. Y naide desconoz q'ista fala se'snidió sele que selefasta nos monumentos de la sagráa Lliturxa, y nos oficios eclesiásticos, y que se topa n'illos dayure, y los domina per tóes partes; pos s'apellida y pedrica n'illos á laMadre de Dios com'una palombina blanca y muy güapina, com'una rosa fresca y perllozana, y siempre Imaculáa, y siempre Santa, y s'aclama com'una inocenciaque nunca fo llastimáa, y com'utra Eva que parió alEmanuel.Per iso non ye'straño q'aquista dotrina de la Imaculáa Concecion de la Virxen Madre de Dios, endilgáa ne' sagraes lletres a xuiciu de los Padres, ensináacon tan graves testimonios de los mesmos, manifestáay celebráa en tantos monumentos illustres de la venerable antigüedá, y propuesta y confirmáa col muy grande y pergrave sentir de la Yglesia, non ya'straño, dicimos, que los mesmos Pastores de la Yglesia y los pueblosfieles se fuelgasen de profesar cá día mas ista dotrinacon tanta piedá, rellixon y amor, que náa yos fues masdel so gustu y náa mas querío, q'honrar, venerar, apellidar y pedricar dayure con tóes les veres de so alma ála Virxen Madre de Dios concebía en sin mancha depecáu orixinal. Pe lo tanto ya de muy antaño los Perláos, los eclesiásticos, les órdenes regulares, y fasta losmesmos Emperadores y Reyes suplicaron con empeñuá ista Sede Apostólica se dinas decretar como verdá defe la Imaculáa Concecion de la Bienaventuráa Madre deDios. Y aquistes preces tornaron á fese tamien nos nuestros dis, y en particular al nuestru antepasáu GregoriuXVI de dichosa acordanza, y tamien á Nos mesmu nosfóron ufríes ya pe los Obispos, ya pel Cleru secular, yaper Comunidáes rellixoses, y per grandes Príncipes ypueblos fieles.Y ansina noticiosos de tóo isto con gran fuelgu denuestr'alma y considerándolo pasiquín, nel intre quepe los alto'xuicios de la divina Providencia fuímos encumbriáos, anque sin merecelo, n'ista cimera cátedrade Pedru, y empuñamos les riendes del mandu de tóala Yglesia, dala cosa tuviémos tanto nes mientes, afaláos pe lo'sentimientos de devoción, amor y tenrura quedende neños profesamos á la Bienaventuráa Virxen María, como'l llevar á cabu tóo lo que'n isti puntu podiadesear entovía la Yglesia, pa que s'aumentas'l honor dela Bienaventuráa Virxen María, y resplandiesen con mayor clarencia lo sos privillexos. Mas queriendo felo colmayor tientu, nombramos un conceyu particular deV.V. H.H. N.N. Cardenales de la S. Y. R., illustres per sopiedá, prudencia y saber nes coses divines, y escoyimosdalgunos eclesiásticos, tanto del cleru secular como delregular bien allecionáos nes materies de teoloxía; paque pescudasen col mayor cuidáu tóo lo que pertenezá la Imaculáa Concecion de la Virxen, y nos dixeren elso parecer. Mas anque pe les preces q'habiamos arrecibío pa que se decretas como de fe la Imaculáa Concecion, nos fues conocíu'l sentir de munchos Pastores dela Yglesia, á pesar d'isto en 2 de febreru de 1849 unviámos dende Gaeta una encíclica á tóos los VenerablesHermanos los Obispos de tóu'1 mundu catolicu, pa que,dempues de pedir lluz á Dios, nos dixesen per escritocuala yera la piedá y devoción de lo'sos fieles pa co laImaculáa Concecion de la Madre de Dios, y ne'specialqué yera lo que los mesmos Obispos opinaben so'l darista definicion, y cuales yeren n'isti puntu lo'sos deseos,pa que manifestásemos el nuestru xuiciu últimu co lamayor solenidá posible.Non fo pequeñu'l consuelu que sintiémos, cuandoaportáron á venir á les nuestres manes les respuestesde los dichos Venerables Hermanos; pos illos, al contestanos con gran fuelgu y allegría, non solo confirmaron de nuevo la so gran piedá y devoción y la del socleru y pueblu fiel pa co la Imaculáa Concecion de laBienaventuráa Virxen, sinon q'ademas pidiéronnos como per voz comun decretásemos la Imaculáa Concecion de la mesma Virxen. Nin fo menor el gozu q'entos mesmo tuviémos, cuando los Venerables Cardenalesdel conceyu particular arriba dichu, y los ya mentáos teólogos de consulta escoyíos per Nos, dempues de pescudar co la mayor xera, nos pidieron col mesmu deséuy empeñu ista definicion de la Concecion Imaculáa dela Madre de Dios.Dempues d'isto; siguiendo les illustres güelles, de losnuestros antepasáos, y deseando fer bien les coses, convocamos y tuviemos un conceyu, nel que platicamos álos nuestros Venerables Hermanos los Cardenales de laSanta Yglesia Romana, y con gran fuelgu de nuestr'almaoyímosyos pedinos que tuviésemos á bien decretar como verdá de fe la Imaculáa Concecion de la Virxen Madre de Dios.Y ansina perenfotaos nel Señor de que vieno ya lahora de decretar la Imaculáa Concecion de la Bienaventuráa Virxen Maria Madre de Dios, q'esponen y declaren d'una manera maraviosa les divines Escritures, lavenerable tradicion'1 usu costante de la Yglesia, '1 acuerdu singular de los Perláos y fieles católicos, y los insinesfechos y costituciones de los nuestros antepasáos; dempues de pescudar co la mayor sollercia tóes les coses, yde fer ´< Dios contines y fervoroses preces, cuidamosque non debia ya atarrecenos el decretar y definir colnuestru'ltimu fallu la Imaculáa Concecion de la mesmaVirxen, y satisfacer ansí los piadosos deseos de tóu'lmundu católicu, y la nuestra particular devocion pa cóla Bienaventuráa Virxen, y honrar al empar mas y masal so Fíu Unicu Nuestru Señor Xesucristu, ya que vandar al Fíu tóos los honores y llóa que s'ufre á so Ma.Pe lo mesmo dempues q'en sin fer vagar ufrimoscon humildá y ayunu les nuestres preces particulares yles públiques de la Yglesia á Dios Padre per entermedies del so Fíu, pa que se dinas afalar y fortalecer elnuestru entendimientu có la virtú del Espritu Santu, invocáu'l amparu de tóa la corte celestial, y apellidáu conxemíos'l Espritu Paracletu, y allecionáos per Illi, en honor de la santa y endivisa Trinidá, pa'splendor y ornamentu de la Virxen Madre de Dios, irguicion de la fecatólica, y acrecimientu de la Rellixon cristiana,có'l'autoridá de Nuestru Señor Xesucristu, de los Bienaventuráos S. Pedru y S. Pablu, y la Nuestra, declaramos, fallamos y decretamos que fo reveláa per Dios, ype lo mesmo debe crese de tóes veres pe los fieles tóosla dotrina que sostien que la Bienaventuráa Virxen María nel primer istante de so Concecion fo preserváallimpia de tóa mancha de culpa orixinal per singulargracia y privillexu de Dios Onipotente en virtú de losmerecimientos de Xesucristu Salvador del xéneru humanu. Pe lo tanto, si, lo que non quiera Dios, s'atreviesen daquienes á sentir nel so corazon en contra d'isto per Nos decretáo, sepian y arrecalden tóos istosque'stan condenáos pel so mesmu xuiciu, que padecieron naufraxu na fe, y que se'sfilaron de la unidá dela Yglesia, y q'arriendes d'isto queden sofitáos nel intreá les penes puestes nel derechu, si de fala, ó per escrito, ó de cualquiera manera esterior s'atrevieren á'ldiricar lo que sintieren nel so corazon.Esbaboriásenos de gozu la boca, y miániques que lallingüa se nos empapiella de fuelgu, y damos, y siempredaremos gracies á Xesucristu Señor Nuestru pel singular beneficiu q'ensin merecelu. Nos fexo d'ufrir y decretar isti honor y aquista gloria y Ilóa a so Ma Bienaventuráa. Y tamien estamos perenfotáos en que la mesma Bienaventuráa Virxen, que tóa hermosa y táa Imaculáa frayó la cabeza venenosa de la dañina serpiente,y traxo la salú al mundu, y que siendo la llóa de los Profetas y de los Apóstoles, y l'honor de los Mártires, y elconsuelu y la corona de tóos lo'Santos, y l'amparu seguru y l'ayuda fiel de tóos los que peligren, y la mas poderosa medianera ente'l mundu y el so Fíu Unicu, y laso conciliadora, y que siendo la meyor presea y arellude la Yglesia, y el so mas firme apoyu, peracabó siemprecon tóes les herexies, y llibró de males muy grandes detóa castra á los pueblos y xentes fieles, y á Nos mesmunos sacó d'abondos y grandes peligros, se dinará fer colso ausiliu poderosu q'averiáos tóos los estorbos, y fináos tóos los errores, la Santa Madre Yglesia Católica medre y florie ente tées le'xentes, y en t6os los Ilugares, yreine d'un mar al utru mar, y fasta'l cabu de la tierra,y gocie de paz, tranquilidá y llibertá, pa que los pecadores alcancen perdon, salú los enfermos, ánimu losenxéncles, consuelu los aflixíos y amparu los que peligren, y que los estraviáos tornen al camin de la verdá yde la xusticia, escurriéndose les tiniebles q'atapécen elso entendimientu, y non haya mas q'un solu rebañu yun solu pastor.Arrecálden istes nuestres palabres tóos los fíos de laIglesía católica muy queríos nuestros, y sigan honrando,venerando y apellidando tovía con mas piedá, devocion y tenrura á la Blenaventuráa Virxen María Madre deDios concebía en sin pecáu orixinal, y en tóos sos apuros, en toe'sos cuítes, en toe'sos necesidáes, en tóe'sosdudes y aprietos acudan perenfotáos á'quista Madre deduzura, de misericordia y de gracia, pos non hay náaq'apavure, náa que desperance sol amparu suyu, siendoIlla la nuestra guía, el nuestru arrimu, el nuestru consuelu y el nuestru amparu, porque nos quier co la tenrura d'una madre, y tratando'l negociu de nuestra salvacion, está sollerte de tóu'1 xéneru humanu, y fechapel Señor Reina del cielu y de la tierra, y encumbriáa sotóos los coros de los ánxeles y so tóos lo'santos, y puesta á la mano derecha del so Fíu Unicu Nuestru SeñorXesucristu, tien muncha valía có'le sos preces de Madre, y alcanza lo que pide, y nunca puede quedar fallíala so súplica.Al cabu pa q'isti nuestru decretu de la Imaculáa Concecion de la Bienaventuráa Virxen Maria aporte á dir ála noticia de tóa la Yglesia, ye nuestra voluntá q'aquistes nuestres Lletres apostóliques sían pa so acordanzaeterna, y mandamos que le sos copies ó exemplares, anque sían impresos, firmáos per dalgun notariu púiblicu,y sellíos col sellu de dalguna persona puesta en dinidáeclesiástica, se yos dé por tóos la mesma fe, que la quedarín á les presentes, si fuesen ufríes ó presentáes.A naide pe lo mesmo sío permitío quebrantar istapáxina de nuestra declaracion, fallu y definicion, ninoponese á illa con atrevimientu, nin fei la contra. Y sidaquien fues presuntosu pa felo, tena entendío que cayna indinacion de Dios Onipotente y de los bienaventuráos S. Pedru y S. Pablu.Dáo en S. Pedru de Roma á lo'seis dis de los idus dediciembre del añu de la Encarnacion del Señor milochocientos cincuenta y cuatro, nonu del nuestru Pontificáu.